لێژنەی نوێنەرانی کۆمپانیا ئەمریکاییەکان گەیشتە هەولێر
لێژنەی بازرگانی پێکهاتوو لە نوێنەرانی ٢٥ کۆمپانیای گەورە و ژمارێک بازرگانی ئەمریکایی بە مەبەستی پەرە پێدانی پێوەندی لەگەڵ ژوورە بازرگانییەکانی هەرێمی کوردستانی ئێراق گەیشتنە هەولێر.
"ئەسکەندەر مەحموود" بەڕیوەبەری بەشی پێوەندییە گشتییەکانی ژوورە بازرگانی و پیشەسازییەکانی ناوچەی کوردستانی ئێراق سەبارەت بە سەفەری ئەو لێژنە ئابوورییەی لە ئەمریکاوە خۆیان گەیاندۆتە هەرێمی کوردستان وتی: هاتنی بازرگانانی ئەمریکایی بۆ کوردستانی ئێراق هۆکارێکی گرینگە بۆ داکۆکی لە هەرێم و هەروەها پشتیوانی سیاسی لەو ناوچەیەی ئێراق.
ناوبراو وتیشی: ئەوە یەکەم جارە کە ئەمریکا لەو ئاستەدا و ئەو هەژمارە زۆرە لێژنەی ئابووری بەڕێ دەکات بۆ کوردستانی ئێراق.
لێژنەی ئابووریی ئەمریکایی لە ماوەی مانەوەی خۆی لە کوردستانی ئێراق بڕیارە لەگەڵ ژوورە بازرگانییەکانی ئەم ناوچەیە و بازرگانان و کوردی ئێراقی دیدار و تووێژ دەکەن.
بە وتەی بەرپرسانی ئێراقی وێڕای وشدارەکانی دەوڵەتی ناوەندی، ئەمریکاییەکان لە ڕێگای کۆنسولخانەی ئەم وڵاتەوە لە هەولێر، ماوەیەکەی خەریکی پەرە پێدانی پێوەندیی بازرگانی و ئابووریی لەگەڵ کوردستانی ئێراقن.
