یەکەم دانیشتنی خولی پێنجەمی پەرلەمانی هەرێمی کوردستان بەڕێوەچوو
تشرینی دووهم 06, 2018 13:34 Asia/Tehran
یەکەم دانیشتنی خولی پێنجەمی پەرلەمانی هەرێمی کوردستان بەکراوەیی هێڵدرایەوە و دەستەی سەرۆکایەتی پەرلەمان هەڵنەبژێردرا .
ئەمڕۆ سێشەممە ٦/١١/٢٠١٨ کاتژمێر ١٢ی نیوەڕۆ دانیشتنی یەکەمی خولی پێنجەمی پەرلەمانی کوردستان دەستیپێکرد.
لەسەرەتای دانیشتنەکەوە کە لەلایەن بەتەمەنترین ئەندامەوە سەرۆکایەتی دەکرا کاندیدە دەرچوەکان سوێندی یاساییان خوارد و بە فەرمیی بوونە پەرلەمانتار.
هەرچەندە بەگوێرەی پەیڕەوی ناوخۆی پەرلەمان دەبوو ئەمڕۆ لە یەکەم دانیشتندا سەرۆکایەتی پەرلەمان هەڵبژێردرێت بەڵام ئەوە نەکرا و دانیشتنەکە بەکراوەیی هێڵدرایەوە تا ئەو کاتەی تەوافوقی سیاسی لەسەر پۆستەکانی سەرۆکایەتی پەرلەمان دێتە ئاراوە.
هەندێک لە پەرلەمانتاران پێیان وابو ئەوە پێشێلکردنی پەیرەوی ناوخۆی پەرلەمانە و ڕایانگەیاند دەبوو هەر ئەمڕۆ دەستەی سەرۆکایەتی هەڵبژێردرایە.
سەرپەیڤ
