سەرچاوەیەکی ئاگادار باسی کرد لە دەرکردنی حوکمی گرتنی ڕێبەری بزووتنەوەی بەرەی نوێ بە تومەتی هەجمە بە فەرمانبەرانی دەوڵەتی هەرێمی کوردستان .

بە گوێرەی ڕاپۆڕتی کورد پرێس سەرچاوەیەکی ئاگادار لە هەرێمی کوردستان لە وتووێژ لە گەڵ مەوازین نیوز  ڕایگەیاند  کە دادگای شاری سلێمانی ئەمڕۆ یەکشەمە بۆ شاسوار عەبدولواحد ڕێبەری  بزووتنەوی  بەرەی نوێ حوکمی گرتنی دەرکردووە . بە وتەی ئەو سەرچاوەیە کە نەیویست ناوی ئاشکرا بکرێت  حوکمی  گرتنی عەبدولواحد بە هۆی تومەتێک  کە لە ناوبراو  دراوە لەمەڕ  هەجمەی  فەرمانبەرانی  دەوڵەتی هەرێم  دەرکراوە .   ئەوە  لە حاڵێکدایە  کە   ئەو حوکمە  بە پێی  مادەی  229ی یاسای  هەرێم دەرکراوە  کە لەودا  بۆ بێ ڕێزی کردن  یان هەڕەشەی  فەرمانبەران  و ئەو کەسانەی   خەریکی  ئەنجام دانی  فەرمانبەرایەتیان لە دامەزراوە جۆراوجۆرە دەوڵەتیەکانن  حوکمی  زیندانی بۆ لەبەرچاو گیراوە .