بە دوای تێکهەڵچوونی هێزەکانی پەکەکە و ئەرتەشی تورکیا لە ناو خاکی هەرێمی کوردستان 17 ڕگوندی دیکەی هەرێم بۆ وێنە دە گوندی مەسێحی نشین چۆڵ کران .

 بە گوێرەی  ڕاپۆڕتی  کورد پرێس  تێکهەڵچوونەکان  لە نێوان  هێزەکانی  پەکەکە  و ئەرتەشی  تورکیا  کە لە  ساڵەکانی  دەیەی  نەوەدی  زایینی  لە  هەرێمی کوردستان  دەس پێکرا و  لە ماوەی  دوو  ساڵی  ئەم  دواییەدا  و بە تایبەت  هەفتەی   ڕابردوو  توندتر بووەتەوە   بووەتە هۆی  چۆڵکرانی  سەدان  گوندی سنووری  هەرێمی کوردستان  لە پارێزگاکانی  هەولێر و دهوک  و بە تیابەت  لە گوندەکانی  قەندیل  و پێشتریش کاربەدەستانی  فەرمی  هەرێم باسیان کرد لە چۆڵکرانی  بە تەواوی  450  گوند . کاناڵی  تەلەفیزیونی  ڕووداویش  ئەمڕۆ  شەمە  12  گەلاوێژ  لە  ڕاپۆڕتێکدا  باسی  کرد لە چۆڵکرانی  17  گوندی  دیکە .  بە پێی  هەواڵەکان  بە هۆی   تێکهەڵچوونەکان  و چوونی  ئەرتەشی  تورکیا زیاتر  لە  نیوەیەک  لە گوندەکانی  ناوچەی بەرواری  سەروو  لە پارێزگای  دهۆک  چۆڵ کراوە .  برواری  سەروو  لە  سنووری  نێوان  تورکیا  و هەرێم  دایە  و  لە س اڵی  ڕابردووەوە  تا  ئێستا  بووەتە  گۆڕەپانی  تێکهەڵچووەکانی  تورکیا و پەکەکە . ڕووداو  لە  ڕاپوڕتێکێدا  وتوویەتی   کە لە تێکڕای  76 گوندی ناوچەی  کانی ماسی  لە دهوکیش  نزیکەی  70 گوند چۆڵ کراوە  و بۆ وێنە  لە  هەفتەکانی  ئەم  دواییەدا  و بە دوای  بوردمانگەلی  ئەرتەشی  تورکیا   کە بووە هۆی گیان لە دەس دان و بریندار بوونی ژومارێکی  زۆر لە  خەڵکی  مەدەنی  دانیشتووی  ئەو  گوندە  17  گوند و بە تایبەت  دە  گوند  لە  تێکڕای  25  گوندی مەسێحی  نشین  چۆڵ کراون .