سەرۆکی هەرێمی کوردستانی عێراق ، گروپە چەکدارەکانی سەر بە پەکەکەی بۆ کشانەوە لە شەنگاڵ بانگهێشت .

نێچیروان بارزانی سەرۆکی هەرێمی کوردستانی عێراق لە رێوڕەسمی پێنجەمین ساڵهاتی هێرشی داعش بۆ سەر شەنگاڵ  کە لە دهۆک بەڕێوەچوو ، لە پەکەکەی ویست لە ناوچەی شەنگاڵ بکێشتەوە و بەڕێوەبردنی کاروبارەکان بسپێرێ بە خەڵک .

 نێچیروان بارزانی وتیشی دوای ئازاد کرانی شەنگاڵ لە لایەن هێزی پێشمەرگە و پاکتاوکرانی ناوچەکە لە داعش ، هێشتا ئەم شارە ئاوەدان نەکراوەتەوە .

 بارزانی هەروەها خوازیاری بە پارێزگا بوونی شەنگاڵ بوو .

 داعش دوای داگیرکردنی شەنگاڵ لە سێی ئابی 2014 ، ئێزدیەکانی قەڵاچۆ کرد . تا ئێستا 80 گۆڕی بە کۆمەڵ لە ناوچەکەدا دۆزراونەوە . 360 هەزار ئێزدی ئاوارە بوونە و سەد هەزار ئێزدیش روویان کردووەتە وڵاتانی دیکە .

 پەرلەمانی هەرێمی کوردستان سێی ئابی وەک رۆژی جینۆسایدی ئێزدیەکان راگەیاند .