سەرکۆنسولی کۆماری ئیسلامیی ئێران لە سلێمانی لەگەڵ شێخ عەلی باپیر ڕابەری کۆمەڵی ئیسلامیی کوردستانی عێراق دیدارو وتووێژی کرد.

«مەھدی شوشتەری» سەرکونسولی ئێران لە سلێمانیی ھەرێمی کوردستان و شێخ عەلی باپیر ڕابەری کۆمەڵی ئیسلامیی کوردستانی عێراق چاویان بە یەکتر کەوت و لە دیدارەکەدا ڕێزیان لە پەیوەندییە قوڵەکانی نێوان ھەردووک لا گرت و لە سەر پێویستیی بەھێز کرانی پەیوەندیی دوو لایەنە لە بوارەکانی سیاسی و ئابووری و ڕۆشنبیری جەختیان کرد.

لێکدانەوەی ئاڵ و گۆڕە سیاسییەکانی عێراق و ناوچەکەو پێویستیی یەکگرتنی تەواوی ڕەوتە سیاسییەکانی عێراق بۆ بەرنگار بوونەوەی پیلانی دوژمنان و ناحەزانی وڵات، لەو تەوەرانەی دیکەی ئەم وتووێژانە بوو.