کاربەدەستێکی دەوڵەتی هەرێمی کوردستان باسی کرد لە هەوڵی هەرێم بۆ چارەسەر کردنی کێشەی ناوچەکانی جێ ناکۆکی لە گەڵ بەغدا و داڕشتنی گەڵاڵەیەکی تایبەت بۆ چارەسەر کردنی ئەو کێشەیە .

 کاناڵی  تەلەفیزوینی  ڕووداو  لەو  بارەوە  ڕاپۆڕتی  دا  کە  خالد  شوانی  ڕایگەیاندووە  کە  دەوڵەت  گەڵاڵەیەکی  تایبەتی بۆ چارەسەر کردنی کێشەی ناوچە ناکۆکی لەسەرەکانی  نێوان  هەولێر  و بەغدا  و ئاسایی کردنەوەی  دۆخی  ئەو  ناوچانە  داڕشتووە  و ئامادەی  کردووە  و لە گەڵ  کاربەدەستانی  هاوپەیوەند  لە دەوڵەتی  ئێراق لەو بارەوە  وتووێژ  دەکات .ناوبراو  وتیشی  کە  ئەو  گەڵاڵەیە  ریتیە  لە  چۆنیەتی  چارەسەر کردنی  کێشە   ئیداری  و ئاسایشیەکانی  ئەو  ناوچەگەلە  و  ئاسایی کردنەوەی  دۆخی  ئەو  ناوچەگەلەی  وا  بڕگەی  140ی  دەستووری  ئێراق   دەیانگرێتەوە  و هەولێر و بەغدا  لێژنەگەلێکی  تایبەتی  بۆ ئەو  مەبەستە  پێکهێناوە  و ناوچەکانی  جێ ناکۆکی  ئەولەویەتی  وتووێژەکانی  نێوان  دەوڵەتی  ئێراق  و هەرێمی  کوردستانە .