سەرلەبەیانی ئەمڕۆ بومەلەرزیەکی بەهێز چەند ناوچەیەکی نێوان هەردوو پارێزگای هەولێر و نەینەوای هەژاند.

بەگوێرەی ناوەندی جیهانی بۆ چاودێری بومەلەرزە، زەوی هەژەکە بە هێزی 4.9 پلە بەگوێرەی پێوەری رێختەر ناوچەکانی نێوان هەردوو ناحیەی کەڵەکی سەر بە پارێزگای هەولێر و گوێڕ لە سنووری پارێزگای نەینەوای هەژاند.

وەک راشگەیەندراوە، لە هەریەک لە سەنتەری شاری هەولێر، گوێڕ، کەڵەک و بەشێک لە سنووری پارێزگای کەرکووکیش هەست بە هێزی بومەلەرزەکە کراوە.

تا ئێستاش هیچ زیانێکی ئەو بومەلەرزەیە لە هیچ ناوچەیەک رانەگەیەندراو.