سایتى فەرمى یەکێتى بڵاویکردۆتەوە،حکومه‌تی هه‌رێمی کوردستان به‌ بیانوی کورتهێنانی مووچه‌، دابه‌شکردنی مووچه‌ی مانگی ئاب-ی مووچه‌خۆرانی هه‌رێمی کوردستانی راگرتووه‌،له‌کاتێکدا زیاتر له‌20 رۆژه‌ مانگی ئاب کۆتایی هاتووه‌، به‌ڵام تائێستا مووچه‌خۆرانی هه‌رێم مووچه‌ی مانگی ئاب یان وه‌رنه‌گرتووه‌.

سەرکۆ ئازاد گەڵاڵی ئەندامی خولی پێنجەمی پەرلەمانی کوردستانیش راگه‌یاندووه: حکومەتی هەرێم دەیەوێت وا نیشانی مووچەخۆرانی بدات کە دواکەوتنی مووچەکانیان پەیوەندی بە کەمتەرخەمی حکومەتی فیدراڵەوە هەیە، بەڵام لە راستیدا حکومەتی فیدراڵ هیچ کەمتەرخەمییەکی نییە و ئەوە حکومەتی هەرێمە کە کەمتەرخەمە و لەپێناو بەرژەوەندی لایەنێک، بەرژەوەندی مووچەخۆرانی پشتگوێ خستووە.