سەرۆکی دەزگای دادڤانیی ئێران گوتی : ئێران لە تەنیشت عێراقی بەھێز و سەربەخۆدا دەمێنێ .

سەید ئیبراھیم رەییسی سەرۆکی دەسەڵاتی دادڤانیی ئێران رۆژی دوشەممە لە پەیامێک دا بۆ گەلی عێراق ، رێزی گرت لە میوانداری کردنی خەڵک و بەرپرسرانی ئەم وڵاتە لە کاتی سەردانەکەی بۆ ئەم وڵاتە.

رەییسی بە ئاماژە بەوەی کە دوو گەلی ئێران و عێراق درێژەپێدەری رێگای فەرماندەرانی شەھید سولەیمانی و ئەلموھەندیس دەبن ، جەختی کردەوە : دوو گەلی ئێران و عێراق لە کەسانێک کە شەھیدان سولەیمانی و ئەلموھەندسیان کوشت تۆڵە دەستێننەوە و رێگا نادەن داگیرکەرانی ئەمریکی لە ناوچەکەدا بمێننەوە.

سەرۆکی دەزگای دادڤانی ئێران وتیشی : کۆماری ئیسلامیی ئێران لە تەنیشت عێراقی بەھێز و سەربەخۆدا دەمێنێ .