ڕووسیا : زۆرێک لە وڵاتان لە دووی بەدیل دانان بۆ دۆلاری ئەمریکان
وتەبێژی سەرۆک کۆماری ڕووسیا وتی؛ زۆرێک لە وڵاتان لە ئەورووپا و ئاسیا لە دووی دیتنەوەی بەدیلێکن بۆ ئەوەی وەکوو دراوی پاشەکەوت جێگای دۆلار بگرێتەوە.
بە پێی ڕاپۆرتی ئیرنا؛ "دمیتری پسکۆف'' Dmitry Peskov ڕۆژی یەکشەممە وتی: ئەمریکا وەکوو ئاراستەکەری دۆلار هەنگاوگەلێک هەڵدەگرێ کە بنەمای متمانە بەم دراوە نێودەوڵەتییەی لەرزۆک کردووە و لە باروودۆخی هەنووکەدا خەریکە هەژماری ئەو وڵاتانەی زۆرتر دەبێ کە لە دووی کەم کردنەوەی بەسراوە بوونیان بە ئەمریکان.
وتەبێژی سەرۆک کۆمارەتیی ڕووسیا وتیشی: ئەو وڵاتانە ئەو راستییەیان بۆ دەرکەوتووە کە بڕانی بەسراوە بوون بە دۆلاری ئەمریکا گونجاوە و ئەوە دەبێ خێراتر ئەنجام بدرێ.
سەرۆکی بانکی ناوەندیی ڕووسیایش ڕۆژی هەینی رایگەیاند بانکی ناوەندیی ئەم وڵاتە سیاسەتی وەلانانی دۆلاری ئەمریکای دەست پێ کردووە و درێژە دەدات بەو سیاسەتەی خۆی.
هەروەها ئاندرێ کۆستین Andrey Kostin, سەرۆکی یەکێک لە بانکە گەورەکانی ڕووسیا پلانێکی داڕشتووە بۆ وەلانانی دۆلاری ئەمریکا لە سات و سەودای بازرگانی و بانکیی ئەم وڵاتە کە بە پێی ئەوە دۆلار لە مامەڵە بازرگانییەکانی ڕووسیا وەلادەنرێ.
