لە کۆبوونەوەی هاوپەیمانی نێودەوڵەتی بۆ بەرەنگاربوونەوەی داعش لە مەدرید، هەڕەشە ئەمنییەکانی داعش لە سووریا تاوتوێ کرا.

بەشداربووان لەو کۆبوونەوەیە ، تیشکیان خستە سەر ئەو هەڕەشە ئەمنییانەی کە بەهۆی بوونی خەڵکی سڤیل وهێزە بە جێیماوەکانی داعش لە کەمپەکانی پەنابەران لە باکور و ڕۆژهەڵاتی سوریا، جەختیان کردەوە لەسەر پێویستی بەردەوامبوونی هەوڵەکان بۆ ڕووبەڕووبوونەوەی داعش لە  سەردەمی  جولانی دا . هەروەها بەشداربووان پێشوازییان لە دامەزراندنی گروپێکی کاری نوێ لە چوارچێوەی هاوپەیمانیدا کرد و ڕایانگەیاند کە ئامانجی ئەو گروپە چاودێریکردنی جموجۆڵە تیرۆریستییەکان و تێکدانی توانای داعشە بۆ ئەنجامدانی ئۆپەراسیۆنە سنووربەزێنەکان. ئەمە لە کاتێکدایە کە ژمارەیەکی زۆر لە ئەندامانی  ڕادیکاڵ  بە پێشینەی تیرۆریستی ئێستا ئەندامی هێزەکانی  جولانین  .