قسەکانی دنەدەرانەی کونسوڵخانەی فەرەنسا لە هەرێمی کوردستانی ئێراق
هاوکات لەگەڵ هەوڵی دەوڵەت و خەڵکی ئێراق بەمەبەستی بەهێزکردن و یەکپارچەیی ئەم وڵاتە و بەرەنگاربوونەوەی تیرۆریستانی داعش ، کونسوڵخانەی فەرەنسا لە هەرێمی کوردستانی ئێراق ڕایگەیاند ، سەردەمی سەربەخۆیی ئەم ناوچەیە گەیشتووە.
بەپێی ڕاپۆرتی کەناڵی هەواڵی فرانس بیست و چوار، فرێدریک تیسو ، کۆنسوڵی فەرەنسا لە هەرێمی کوردستانی ئێراق لە وتاردانێکی دنەدەرانەدا وتی : هەموو ڕەوشەکە شیاوە بۆ بەێوەچوونی گشت پرسی بۆ دیاریکردنی چارەنووس و سەربەخۆیی لە هەرێمی کوردستانی ئێراق.
فرێدریک تیسو بێ ئاماژەدان بە هەوڵی دەوڵەتی ئێراق بەمەبەستی بەهێزکردنی یەکپارچەیی ئەم وڵاتە وتی : ڕاگەیشتن بە کاروباری هەرێمی کوردستان و ئارمانجی کوردەکان بە ئەرکی خۆی دەزانێ و هەرلەبەر ئەمەش لەسەر ئەوباوەڕەیە هەرچی خێراتر هەرێمی کوردستانی ئێراق دەبێ سەربەخۆیی خۆی بەدەست بێنێ .
فرێدریک تیسو وتی : لە هەر هەوڵێک بۆ بەڕێوەچوونی گشت پرسی بۆ دیاریکردنی چارەنووس و سەربە خۆیی کوردستانی ئێراق کەمتەرخەمی ناکات .
کونسولی فەرەنسا لە هەرێمی کوردستانی ئێراق ئیدیعای کرد بە سەرنج دانی ژئۆپۆلیتیکی ناوچەکە،گەلی کورد نەیتوانیوە چارەنووسی خۆی دیاری بکات لەحاڵێکدا کە مافی خۆیانە چارەنووسیان دیاری بکەن.
ناوبراو وتیشی : بە هەرحاڵ ئەمڕۆ کوردەکان زۆرتر لە هەر کاتێکی تر بۆ ئەوەی چارەنووسی خۆیان دیاری بکەن، مافیان هەیە .
ئەوان مافی ئەوەیان هەیە بگەنە سەربەخۆیی و توانایی . من بە تەواوی لەم مافەی کوردەکان داکۆکی دەکەم و لەسەر ئەم باوەڕەم کە بەم زوانە ئەم ئامانجە بۆ کوردەکان دێتە دی .
