بە رپرسی لقی پارتی دێمۆکرات لە خانەقین دا ڕایگەیاند کە ٣٠ ئەندامیی داعش ،بە دزەکردنە نێو باشووری ئەم شارە لە پارێزگای دیالەی ئێراق و پەلامار بۆ سەر بەشگەیەکی نەوتیی ٥ کارمەندی ئەم بەشگەیەیان ڕفاند و ژمارێک لە سەرچاوەکانیی خۆجێیش باس لە ڕفاندنی ٢١ سەربازی ئێراقی لە درێژەی ئەو پەلامارە دەکەن .

 بە گوێرەی ڕاپۆرتی کورد پریس ، شیخ جەعفەر مەستەفا لە وتووێژ لەگەڵ ماڵپەری فەرمی پارتی دیمۆکراتی کوردستان ڕایگەیاند کە ٣٠ ئەندامی داعش ڕۆژی چوار شەممە ٦ ڕێبەرندان ٢٥ ژەنیڤەری دزەیان کردە  ناوچەی نەوتخانە لە ٤٠ کیلومەتری خانقین و هەڵیان کوتایە سەر بەشگەی نەوتی حەموورابی . بەر پرسی لقی پارتی دێمۆکراتی کوردستان لە خانەقین وتیشی کە دوا بە دوای ئەم پەلامارە ، تیکەەڵچوون لە نێوان ئەندامانی داعش و هێزی حەشدی شەعبی لە ناوچە دا ڕووی داوە . هەروەها کەناڵی تەلەڤەزیۆنی کوردستان ٢٤ لەم بارەوە ڕاپۆرتی دا کە ئەندامانی داعش لەم پەلامارە ٥ کەس لە کارمەندانی بەشگەی حەمورابی و ٢١ سەربازی ئێراقییان ڕفاندووە . هەر لەم حالە دا مەحموود سەنگاوی فەرماندەی هێزی پێشمەرگە لەم ناوچەیە دا ڕایگەیاند کە داعش چالاکییەکانی ترۆریستی خۆی لە باشووری خانەقین زۆرتر کردۆتەوە .