نوێنەری یەکێتی لە پەرلەمانی ئێراق باسی ئەگەری دیاریکرانی ئارێز عەبدوڵڵا سەرۆکی ئێستای کۆمیسیۆنی نەوت و وزەی ئەنجوومەنی نوێنەرانی کرد وەک سەرۆکی فراکسیۆنی یەکێتی لەم پەرلەمانە لە جیاتی ئاڵا تاڵەبانی.

بەپێی ڕاپۆرتی  هەواڵدەریی کوردپرێس،  ڕێزان  شێخ دلێر  لە وتووێژ لەگەڵ ماڵپەڕی هەواڵی  بەغدا ئەلیەوم   وتی : ئارێز عەبدوڵڵا  دوابەدوای لەسەرکارلابرانی  ئاڵا تاڵەبانی لە پۆستی سەرۆکایەتی فراکسیۆنی  یەکێتی نیشتمانی کوردستان لە پەرلەمانی ئێراق ،  بەختێکی زۆرتری  بۆ بەدەست هێنانی ئەم پۆستە هەیە  .

ناوبراو وێڕای ئاماژەدان بەمەی  هۆی لەسەر کارلارانی  ئاڵا تاڵەبانی  ئاشکرا نەبووە  وتیشی : نووسینگەی سیاسی یەکێتی  نیشتمانی بڕیارە  بەم زووانە کۆبوونەوەیەک  بەڕێوە بەرێت و وێڕای ڕاگەیاندنی هۆیەکانی لەسەر کار لابرانی تاڵەبانی ، سەرۆکێکی نوێ بۆ فراکسیۆنی خۆی لە پەرلەمانی ئێراق  دیاری بکات.