یەکێک لە کاربەدەستانی بزووتنەوەی گۆڕان وێڕای ئاماژە بەوەی کە ئەو پارتە ، بەڕێوە چوونی ڕفڕاندومی سەربەخۆیی هەرێمی کوردستانی بە هەوڵدان بۆ مانەوەی مەسعوود بارزانی لە پۆستی سەرۆکایەتی هەرێمی کوردستان دەزانێت ڕایگەیاند کە بزووتنەوەی گۆڕان لە ڕفڕاندۆم بەشداری ناکات .

بە گوێرەی ڕاپۆڕتی کورد پرێس دانا عەبدولکەریم بەرپرسی کاروباری هاوپەیوەند  بە دەوڵەت و پەرلەمان لە بزووتنەوەی گۆڕان لە وتووێژ لە گەڵ  ڕادیو دەنگی ئەمریکا وتی کە ئەو بزووتنەوەیە لە کۆپرسی سەربەخۆیی هەرێمی کوردستان کە بڕیارە 25  ئەم مانگە زاینیە بەڕێوە بچێت بەشداری ناکات . ناوبراو وتیشی کە بزووتنەوەی  گۆڕان  پەرلەمانی کوردستان بە سەرچاوەی  یاسایی  و سیاسی شەرعی  خەڵکی کوردستان لە کاروبارە گرینگ و چارەنووس سازەکاندا دەزانێ و هیچ بڕیارێک بۆ بەڕێوە چوونی  ڕفڕاندۆم لە لایەن پەرلەمانەوە نەدراوە .  دانا عەبدولکەریم هەروەها  وتی: بڕیاری بەڕێوە چوونی  ڕفڕاندۆم لە لایەن مەسعوود بارزانی  سەرۆکی هەرێمی کوردستان  و ڕێبەری پارتی دیموکرات  دراوە و  ئامانجەکەی  مانەوەی بارزانی لە پۆستی سەرۆکایەتی هەرێمە .ناوبراو لە بەشێکی دیکەی قسەکانی دا  سەبارەت بە سەفەری بارزانی بۆ سلێمانی کە ڕوژی چوارشەمە  21 سێپتامبر ئەنجام درا وتی: ئەو سەفەرە لە ڕوانگەی بزوتنەوەی گۆڕانەوە  گرینگایەتی نیە .