دانپێدانانی نێچیروان بارزانی لەسەر دەوری یەکێتی بەخشی جەلال تاڵەبانی لە ئێراق
سەرۆکی ئیدارەی هەرێمی کوردستانی ئێراق، جەلال تاڵەبانی بە کەسێکی کاریزماتیک وەسف کرد کە لە یەکگرتوویی ئێراقییەکان دەورێکی گرینگی هەبوو .
بەپێی ڕاپۆرتی کورد پرێس نێچیروان بارزانی سەرۆکی ئیدارەی هەرێمی کوردستانی ئێراق ڕۆژی هەینی لە پەراوێزی ڕێ وڕەسمی بەڕێ کردنی تەرمی جەلال تاڵەبانی لەسلێمانی، لە وتووێژ لەگەڵ پەیامنێران، گوتی : تاڵەبانی لە دامەزراندنی سەقام و ئاسایش لە ئێراق و یەکگرتوویی ئێراقییەکان دەورێکی بێ وێنەی هەبوو.
سەرۆکی ئیدارەی هەرێمی کوردستانی ئێراق پێداگری کرد : کۆچی دوایی جەلال تاڵەبانی دەبێتە هۆی بەدیهاتنی بۆشاییەکی گەورە بۆ کورد و هەروەها ئێراق .
ڕێ وڕەسمی بەڕێ کرانی تەرمی جەلال تاڵەبانی ڕۆژی هەینی لە سلێمانی بەڕێوە چوو . جەلال تاڵەبانی سکرتێری یەکێتی نیشتمانی کوردستانی ئێراق و یەکەمین سەروک کوماری کوردی ئێراق ، سێ شەممەی ڕابردوو لە تەمەنی هەشتا و چوار ساڵی و لە بەرلینی ئاڵمانیا ، کۆچی دوایی کرد .
