دەرچوونی حوکمی گرتنی سەرۆک و ئەندامانی ئەنجومەنی سەرپەرشتیی گشتپرسییەکەی هەرێمی کوردستانی عێراق
ئەنجومەنی باڵای دادوەریی عێراق، حوکمی گرتنی سەرۆک و ئەندامانی ئەنجومەنی سەرپەرشتیی گشتپرسییەکەی جیا بوونەوەی هەرێمی کوردستانی عێراقی دەرکرد.
بە پێی ڕاپۆرتی کەناڵی تەلەفزیۆنیی عێراقیی سومریەنیوز، عەبدولسەتار بەیرەقدار وتەبێژی ئەنجومەنی باڵای دادوەریی عێراق ڕۆژی چوارشەممە لە بەیاننامەیەکدا ڕایگەیاند: دەرچوونی ئەو حوکمە لە لایەن دادگەی لێکۆڵینەوەی ڕەسافە لەسەر بنەمای سکاڵایەکی ئەنجومەنی ئاسایشی نیشتیمانیی عێراق و هاوپەیوەند بە ئەنجامدانی گشپرسییەوە دەرکراوە، کە بە پێچەوانەی بڕیاری دادگای باڵای فیدراڵ ئەنجامی گرتووە.
وتەبێژی ئەنجومەنی باڵای دادوەریی عێراق وتووشیەتی : ئەم حوکمە بە گوێرەی مادەی ٣٢٩ی یاسای سزادانی عێراق دژی سەرۆک و ئەندامانی ئەنجومەنی سەرپەرشتیی گشتپرسییەکەی جیا بوونەوەی هەرێمی کوردستانی عێراق دەرکراوە.
سەعد حەدیسی وتەبێژی نووسینگەی ڕاگەیاندنی سەرۆک وەزیرانی عێراقیش ڕایگەیاند: دەوڵەت ڕاپەڕاندنی حوکمی گرتنی سەرۆک و ئەندامانی ئەنجومەنی سەرپەرشتیی گشتپرسییەکەی جیا بوونەوەی هەرێمی کوردستانی عێراق پێ و شوێن دەگرێت.
هەر لەم حاڵەدا، حەنان فەتلاوی سەرۆکی بزوتنەوەی ئیرادەی عێراق ڕایگەیاندووە: دەبێ مەسعود بارزانی سەرۆکی هەرێمی کوردستانی عێراق و ئەندامانی هەڵکەوتەی پارتیش کە گشتپرسییەکەیان بەڕێوە بردووە بکەونە بەڕ پەیگەڕ.
ئەمەو لە لایەکی دیکەوە شیروان زەرار وتەبێژی لێژنەی هەڵبژاردن و گشتپرسییەکەی هەرێمی کوردستانی عێراق لای خۆیەوە فەرمانی گیرانی سەرۆک و ئەندامانی ئەنجومەنی سەرپەرشتیی گشتپرسییەکەی جیا بوونەوەی هەرێمی کوردستانی عێراقی بە نایاسایی زانی و وتیشی: وەها بڕیارێک لە لایەن دەوڵەتی عێراقەوە سیاسییە.
ڕیفراندۆمی جیا بوونەوەی هەرێمی کوردستانی عێراق سەرباری نەیارەتیی جیهانی و کاردانەوەی توندی دەوڵەتی عێراق ڕۆژی دووشەممە 25 سپتامبەری 2017 لە ئەنجامی پێداگریی مەسعود بارزانی سەرۆکی هەرێمی کوردستانی عێراق و ئامانجە تاکەکەسییەکانی بەڕێوەبرا کە ئەم کارە وەک پێشێلکرانی یاسای بنەڕەتیی عێراق و یاساوڕێسا نێونەتەوەییەکان لێک دەدرێتەوە.
.
