سومەریەنیووز: کشانەوەی هێزی پێشمەرگە بۆ سنوورەکانی ساڵی 2013
حەشدی شەعبیی ئێراق باسی کشانەوەی هێزی پێشمەرگەی کرد بۆ سنوورەکانی ساڵی 2013.
بەپێی ڕاپۆرتی ماڵپەڕی ئێراقیی سومەریە نیووز، ئەبوو ئالا لولائی ، فەرماندەی هێزی حەشدی شەعبی ئێراق ڕۆژی سێ شەممە وتی : وتووێژی هێزی حەشدی شەعبی لەگەڵ هێزی پێشمەرگە بەو ئەنجامە گەیشت و ئەوان کشانەوە بۆ سنوورەکانی ساڵی 2013 و بەنداوی مووسڵیانیش بێ هیچ شەڕێک ڕادەست کرد .
هێزی پێشمەرگەی هەرێمی کوردستانی ئێراق سێ ساڵ لەمەوبەر بە کەڵک وەرگرتن لە ئاڵۆزی و بشێوی کە لەبەر پەلاماری تاقمی تیرۆریستی داعش لە ئێراق بە دی هاتبوو، بەشگەلێک لە پارێزگەی کەرکووک و ناوچەکانی دیکەیان خستە بن چاوەدێری خۆیان .
بەپێی هەواڵێکی تر، هادی عامری فەرماندەیەکی باڵای هێزی حەشدی شەعبی لە وتووێژ لەگەڵ میدیاکان ، باسی کۆتایی بەشی دووهەمی ئۆپراسیۆنی دامەزرانی ئاسایشی پارێزگەی کەرکووکی کرد و وتی : سوپای هێزی پۆلیسی فیدراڵ، کاردانەوەی خێرا، ڕ ێکخراوی بەرەنگار بوونەوەی تیرۆریزم و هێزی حەشدی شەعبی بە زاڵ بوون بەسەر کێڵگەکانی نەوت لە باکووری کەرکووک، بەشی دووهەمی ئۆپراسیۆنی دامەزرانی ئاسایشی کەرکووکیان کۆتایی پێ هێنا.
