هەنجومەنی پارێزگاریی کەرکووک ڕۆژی سێ شەممە جەمال مەولوودی وەک سەرۆکی کاتیی ئەم ئەنجومەنە هەڵبژارد.

بەپێی ڕاپۆرتی ئیرنا، لەکۆبوونەوەی   ئەنجومەنی  پارێزگارییی  کەرکووک  سەرۆکی پێشووی ئەم ئەنجومەنە و ژومارێک لە ئەندامانی فراکسیۆنی پارتی دیمۆکراتی کوردستان  ئامادە نەببوون .

حەیدەر عەبادی سەرۆک وەزیرانی ئێراق پازدەی  ئوکتوبەر دوای  کۆتایی  ماوەی دیاریکراوی  حەفتا و دوو کاتژمێریی بۆ کشانەوەی هێزی پێشمەرگە لە کەرکووک، فەرمانی  دەستپێکرانی ئۆپراسیۆنی  چاوەدێریی  هێزی ئێراقی بەسەر کەرکووک و وەرگرتنەوەی کێڵگەکانی نەوتی ئەم  ناوچەیەی دەرکرد.

هێزی ئێراقی توانیان   شازدەی ئوکتوبەر   کۆنترۆڵی کەرکووک بە دەستەوە بگرن    .

دوابەدوای گەیشتنی  سوپای ئێراق  بۆ کەرکووک ئەندامانی  فراکسیۆنی  پارتی  و سەرۆکی ئەنجومەنی پارێزگاری کەرکووک لەم شارە هەڵاتن.

 هێزی پێشمەرگەی هەرێمی کوردستانی ئێراق لە ژووئەنی  2014  بە کەڵک  وەگرتن لە  ئاڵۆزییەکان و بشێوی  کە لەبەر پەلاماری تاقمی تیرۆریستی داعش لەئێراق  بە دی هاتبوو، بەشگەلێکی کەرکووک لەوان کێڵگە نەوتییەکانی ئەم پارێزگەیەیان  بەشێوەی نایاسایی  خستبووە بن چاوەدێری خۆیانەوە.

جەمال مەولوود دوای ئەم کۆبوونەوەیە وتی : بڕیاری ئەمڕۆ بۆ پێشگیری کردن لە بشێوی لە پارێزگاریی کەرکووک  دراوە و پێویستە  خزمەت کردن بە خەڵک بە دەسەڵاتێکی زۆرترەوە درێژەی هەبێت  .

تاقمە سیاسییەکانی  هەرێمی کوردستانی ئێراق دوای ئامادەبوونی ڕوژی سێ شەممەی فوادمەعسوومی سەرۆکی ئێراق لە کەرکووک، لەسەر ئەوە ڕێککەوتن  کە  پۆستەکانی ئیداری  ئەم ناوچەیە بەپێی  ڕێککەوتنی  ساڵی 2010  ی زایینی  دیاری بکەن  .

بەپێی ڕێککەوتنی ساڵی 2010ی زایینی،  سەرۆکی ئەنجومەنی پارێزگاری دەدرێتە  بە تورکمانەکان، پارێزگار  دەدرێت  بە یەکێتی  ، جێگری پارێزگاری  بۆ عەرەبەکانی سوننە و   جێگری سەرۆکی ئەنجومەنی  پارێزگاکان  دەدرێ بە یەکێتی ئیسلامی کورستان  .

عەلی حسێنی  وتەبێژی  حەشدی شەعبی ئێراقیش  ڕۆژی سێ شەممە ڕایگەیاند:  نەجمەدین  کەریم  ستانداری  پێشووی کەرکووک بە کەڵک وەرگرتن لە پارەی داهاتی نەوتی ئەم هەرێمە و بە ویزەی ئەمریکی لە هەولێر هەڵاتووە.