پەرەسەندنی ناڕەزایەتیەکان بە نەدرانی موچە لە هەرێمی کوردستانی عێراق
بە هەزاران کەس لە فەرمانبەرانی حکومەتی هەرێمی کوردستانی عێراق بۆ ناڕەزایەتی بە نەدرانی موچەی چەندین مانگەی خۆیان لە لایەن هەولێرەوە ، دەستیان دایە خۆپێشاندان و هەڕەشەیان کرد بێتوو داواکاریەکانیان دابین نەکرێ خۆپێشاندان درێژەی دەبێ .
بەپێی راپورتی هەواڵدەری فارس ، شارەکانی هەرێمی کوردستانی عێراق ئەمڕۆ یەکشەممە شایەتی بەرپاکرانی خۆپێشاندان لە دژی حکومەتی هەرێم بوون و ئەم خۆپشاندانە هەروا درێژەێ هەیە .
سەرچاوەکانی هەواڵ راپۆریان دا فەرمانبەرانی هەرێم بۆ ناڕەزایەتی بە نەدران و دواکەوتنی موچەی خۆیان لە شارەکانی هەولێر ، سلێمانی ، دهۆک و هەڵەبجە دەستیان داوەتە خۆپێاندان .
کەسانی بەشدار لەم خۆپێشاندانانە حکومەتی هەرێمی کوردستانی عێراق تاوانبار دەکەن بە دزی و دەڵێن سەرباری نێردرانی موچە لە لایەن حکومەتی عێراقی فێدڕاڵ ، هەولێر ئامادە نیە موچەی دواکەوتووی ئەوان بنێرێ .
بە گوێرەی راپۆرتی سومەریە نیوز ، ناڕازیان هەڕەشەیان کرد بێتوو مووچەکەیان بە تەواوەتی نەدرێ ، درێژە ئەدەن بە خۆپێشاندان .
حکومەتی ناوەندیی عێراق چەند ڕۆژ بەر لە جەژنی نەورۆز ، موچەی فەرمانبەرانی هەرێمی کوردستانی نارد .
