ئیرەج مەسجدی باڵوێزی کۆماری ئیسلامیی ئێران لە بەغدا و مەسعوود بارزانی سەرۆکی پێشووی هەرێمی کوردستانی ئێراق ئێوارەی ڕۆژی چوارشەممە لە هەولێر چاویان بە یەک کەوت و وتووێژیان کرد .

بەپێی ڕاپۆرتی ئیرنا دوایین گۆرانکارییەکانی  ناوچە و ئێراق  لەو پرسانە بوو کە لەم  چاوپێکەوتنە دوو لایەن سەبارەت بەوە  قسەیان کرد  . 

لەم چاوپێکەوتنە هەروەها پێوەندیی دوو لایەنەی کۆماری ئیسلامیی ئێران و هەرێمی کوردستانی ئێراق و هەروەها  بەڕێوە چوونی  کۆبونەوەی دەرفەتەکانی ئابووریی ئێران و ئێراق  لێک درایەوە  . 

ئیرەج مەسجدی  باڵوێزی کۆماری ئیسلامیی ئێران لە ئێراق ڕۆژی سێ شەممە بەمەبەستی بەشداریکردن لە کۆبوونەوەی دەرفەتەکانی ئابووریی ئێران و هەرێم  گەیشتە هەولێر  . 

کۆبوونەوەی دوو ڕۆژەی  دەرفەتی  ئابووریی ئێران و هەرێمی کوردستانی ئێراق  ڕۆژی دووشەممە  بە ئامادەبوونی کاربەدەستانی ئێراقی ، محەممەد شەریعەتمەداری وەزیری پیشەسازی، کانزا و بازرگانیی ئێران ، باڵوێزی ئێران لە بەغدا، پارێزگارانی  ڕۆژاوای ئێران و ئەندامانی ژوورەکانی بازرگانیی ئێران و ئێراق لە هەولێر، دەستپێکرا.