ڕوودانی 2 تەقینەوەی تڕۆڕیستی لە ڕۆژئاوای کەرکووکی ئێراق
سەرچاوە مێدیاییەکان باس دەکەن لە ڕوودانی 2 تەقینەوەی تڕوڕیستی لە ڕۆژئاوای کەرکووکی ئێراق و بریندار بوونی ژۆمارێک لە هێزە ئاسایشیەکان .
بە گوێرەی ڕاپۆڕتی ڕۆژی شەمەی هەواڵدەریی مێهر بە گێڕانەوە لە سوومریە نیوز ئەو تەقینەوەگەلە لە نزیکی شارۆچکەی ئەلحەویجە لە ڕۆژئاوای کەرکووک ڕووی دا . بە دوای ڕوودانی ئەو دوو تەقینەوە ژومارێک لە هێزە ئاسایشیەکانی جێگیر لە نزیکیی ئەلحەویجە بە توندی بریندار بوون و گوێزرانەوە بۆ نەخۆشخانە .
لە هەمان حاڵدا هێزە هاوبەشەکانی ئێراقی بە بۆنەی جێژنی ڕەمەزان ڕێ و شوێنێکی توندیان لە سەرانسەری ئەو وێلاتە بۆ وێنە بەغدا دامەزراندووە تا بەربگرن لە هەر جۆرە پەلامارێکی ئەگەری تڕوڕیستی . ئەحمەد خەلەف لە هێزەکانی پولیسی بەغدا لەوبارەوە وتی هێزەکانی خەباتگێڕ لە گەڵ تڕوڕیزم پولیسی خۆجێیی ئەرتەش پولیسی فیدڕاڵ دەزگە هەواڵگری و ئاسایشیەکانی پشتیوان لە سەرلە بەیانی ڕۆژی هەینیەوە (دوێنێ ) لە سەرانسەری بەغدا لە حاڵی ئامادە باش دان و ئەو ئامادە باشە ئاسایشیە تا کۆتایی جێژنەکانی ڕەمەزان درێژەی دەبێت . لە لایەکی دیکەوە سەرگورد حەبیب ئەلشەمڕی لە هێزە سەربازیەکانی ئێراقیش ڕایگەیاند " هێزێکی هاوبەش لە ئەرتەش و حەشدی شەعبی لە ناوچەی " نەفت خانە " لە باکووری ڕۆژهەڵاتی پارێزگای دیالە لە ئوپڕاسیونێکدا تڕوڕیستانی داعشی گەمارۆ دا کە بووە هوی کوژرانی دوو تڕوڕیست و بریندار بوونی لانیکەم 3 کەسی دیکە . سەرەڕای شکستی داعش لە ئێراق ئەندامانی ئەو تاقمە تڕوڕیستیە هەروا بە شێوەی پڕژ وبڵاو لە ناوچە سنووریەکانی ئێراق و سووریا ئامادەن کە هێزەکانی ئوەرتەشی دوو وڵات خەریکی پاکتاو کردنی ئەو ناوچەگەلەن .
