شاروومەندانی هەرێم یکوردستانی ئێراق لە شارەکانی هەولێر سلێمانی و دهۆک دژی لەشکەرکێشی و ئوپڕاسیونی سەربازی تورکیا لە خاکی هەرێم دەستیان دایە خۆپیشاندانی ناڕازیانە و خوازیاری چوونەدەری تورکیا لە خاکی هەرێم بوون .

بە گوێرەی ڕاپۆڕتی کورد پرێس و بە گێڕانەوە  لە   ئێن ئار تی  کەمپەینی  قەڵغانی  مرۆیی  دژی لەشکەرکێشی و ئوپڕاسیونی سەربازی  لە خاکی هەرێمی کوردستان  دەستیان دایە وەڕێخستنی  خۆپیشاندانی جەماوەری دژی تورکیا  لە شارەکانی هەرێمی کوردستانی ئێراق . ئەو خوپیشاندانە  لە شاری هەولێر  لە پارکی گەورەی شانە و لە کەرکووک لە نزیکیی پەڵاسی شار  و لە سلێمانی  لە شەقامی سەرەکی ئەو شارە بە ئامادە بوونی  شاروومەندان و نوێنەرانی  ڕەوتە  سیاسیە جۆراوجۆرەکان  بەڕێوە چووە  و بەشدار بووان  بە جەخت کردن لە سەر ئەوەی کە  مەبەستی سەەرکی  تورکیا  داگیر کردنی هەرێمی کوردستانع  خوازیاری  ڕاگیرانی  پێشڕەوی و ئوپڕاسیونی سەربازی تورکیا لە خاکی هەرێم بوون .  بەشدار بووان لەو خوپیشاندانە  خوازیاری کردەوەی پەرلەمانی   کوردستان بۆ ڕاگیرانی  ئوپڕاسیونی سەربازی و لەشکەرکێشی تورکیا لە خاکی هەرێمی بووە و ڕایانگەیاند  کە ئەو  کردەوەی تورکیا زیانگەلێکی زۆری بۆ   شاروومەندانی  ناوچە سنووریەکانی هەرێم بە دواوە بووە . ئەرتەشی تورکیا   خاوەنی ژومارێکی  زۆر   بنکەی سەربازی  و هەواڵگری لە ناوچە جوراوجۆرەکانی هەرێمی کوردستانە و   لە 10 مارسی  2018وە  چووتە قووڵایی  30  کیلومەتری  خاکی هەرێمی کوردستان   و ئوپڕاسیونی سەربازی  بەربڵاوی لە خاکی هەرێم لە   ژێر ناوی کردەوە  پەکەکە دەسپێکردووە   و تا ئێستا ژومارێکی زۆر   لە شاروومەندانی  ناسەربازی هەرێم لەو ئوپڕاسیونە دا و هەروەها لە پەلامارە ئاسمانیەکانی تورکیا  بۆ سەر ناوچە سنووریەکانی هەرێم گیانی خۆیان لە دەس داوە و بریندار بوونە .  خەڵکی هەرێم بە جاران لە ڕێگای بەڕێوە چوونی  خۆپیشاندانی ناڕازیانە خوازیاری  ڕاگیرانی  ئەو ئوپڕاسیونە و چوونەدەری  سەربزانی تورکیا لە خاکی هەرێم بوونە  و  دەوڵەتی هەرێمیش وێڕای جەخت کردن لە سەر  ئەوەی کە  ئامادە بوونی  هێزەکانی پەکەکە  هۆکاری سەرەکی   پەلامار و ئوپڕاسیونی تورکیایە  خوازیاری چوونەدەری  پەکەکە  لە هەرێمی کوردستان بووە .