وتووێژی مەسعوود بارزانی و نوێنەری نەتەوەیەکگرتووەکان سەبارەت بە پێکهاتنی دەوڵەتی نوێی ئێراق
ڕێبەری پارتی دیمۆکراتی کوردستان سەبارەت بە پێکهاتنی دەوڵەتی نوێی ئێراق ، لەگەڵ نوێنەری نەتەوەیەکگرتووەکان لەو وڵاتە وتووێژی کرد.
بەپێی ڕاپۆرتی کورد پرێس ، لە چاوپێکەوتنی مەسعود بارزانی ڕێبەری پەدەکە لەگەڵ یان کوبیچی نوێنەری ڕێکخراوی نەتەوەکان لە ئێراق ، پرسی پێکهێنانی دەوڵەتی نوێی ئێراق ، باس و وتووێژی لەسەر کرا .
دەوری هەرێمی کوردستان لە پێکهاتنی دەوڵەتی نوێی ئێراق و ڕوانگەی نەتەوەیەکگرتووەکان سەبارەت بە بەرەنگار بوونەوەی توندخوازی و تیرۆر لە پرسەکانی چاوپێکەوتنی بارزانی و یان کوبیچ بوو .
یان کوبیچ لە ماوەی دوو ڕوژی ڕابردوودا لەگەڵ پارت و ڕێبەرانی هەرێمی کوردستان سەبارەت بە پێکهێنانی دەوڵەتی نوێی ئێراق وتووێژی کردووە .
یان کوبیچ لە بەیاننامەیەک دا ڕایگەیاند کە لەگەڵ پارتەکانی هەرێمی کوردستان سەبارەت بە هاوکاری و هەڵس و کەوتی هاوبەش بۆ خێرایی دان لە پێکهێنانی دەوڵەتێک بە دوور لە توندرەوی لە ئێراق، وتووێژی کردووە .
یان کوبیچ هەروەها داوای دامەزرانی یەکێتی و هەڵوێستی هاوبەش و هاوکاری نیزیکی پارتەکانی هەرێمی کوردستانی کرد و وێڕای وشداری دان لەسەر دواهاتی پڕمەترسی وەدوا کەوتنی پێکهاتنی دەوڵەتی نوێی ئێراق لە هەڵوێستی ئایەتوڵڵا سیستانی مەرجەعی باڵای شیعەکانی ئێراقیش ڕێزی گرت و هیواداری دەربڕی کە پارت و لایەنەکانی ئێراقی ، پێشنیارکانی ناوبراو جێ بەجێ بکەن .
