داواکاری تورکیا بۆ کرانەوەی نووسینگەی نوێنەرایەتی هەرێمی کوردستان لە ئەنقەرە
وتەبێژی دەوڵەتی هەرێمی کوردستان باسی داوای تورکیای کرد بۆ کردنەوەی نووسینگەی نوێنەرایەتی هەرێم لە ئەنقەرە .
بەپێی ڕاپۆرتی کورد پرێس، سەفین دزەیی وتەبێژی دەوڵەتی هەرێمی کوردستان لە وتووێژ لەگەڵ کەناڵی تەلەفزیونی رووداو وتی : دەوڵەتی تورکیا دوو ساڵە کە داوای کردنەوەی نووسینگەی نوێنەرایەتی هەرێم لە ئەنقەرەی خستوەتە بەر باس بەڵام ئەم کارە لەبەر قەیرانی ئابووری لە هەرێمی کوردستان ئەنجام نەبوو .
دزەیی ئاماژەی کردە شاندی وەزیرانی هەرێمی کوردستان دوای وەرگرتنی داواکاری تورکیا ، بڕیاری دواخرانی ئەم کارە گرینگە و جێبەجێ کردنی لە کاتی شیاوتر و کاتێک کە پێوەندی هەولێر و ئەنەرە باشتر بێت، گرت.
ناوبراو کرانەوەی نوێنەرایەتی لە ئەنقەرەی بە کارێکی گرینگ و خاڵی وەرچەرخان لە پێوەندی هەرێمی کوردستان و تورکیا وەسفکرد و ئاماژەی کردە ئەوەی شاندی وەزیرانی هەرێمی کوردستان بەڕێوە چوونی ئەم کارە لە کاتی شیاوی بەپێویست زانی.
شیاوی ئاماژەیە کە تورکیا گەورەترین شەریکی بازرگانی هەرێمی کوردستان دێتە ئەژمار و گەورەترین کۆمپانی بیانی چالاک لە هەرێمی کوردستان لە وڵاتی تورکیان و دەوڵەتی هەرێمی کوردستان نەوتەکەی لە ڕێگەی خاکی ئەم وڵاتە هەناردە دەکات و لەسەر پەرەی پێوەندی نێوان دوو وڵات پێداگری دەکات.
