موحەمەد حەلبووسی سەرۆکی پەرلەمانی نوێنەرانی ئێراق لە درێژەی دیداری لە گەڵ کاربەدەستانی سیاسی هەرێمی کوردستان لە سەفەر بۆ هەولێر لە گەڵ نەچیروان بارزانی سەرۆک وەزیرانی هەرێم دیدار و وتووێژی کرد .

بە گوێرەی ڕاپۆڕتی کورد پرێس موحەمەد حەلبووسی سەرۆکی  پەرلەمانی  نوێنەرانی  ئێراق لە درێژەی  دیداریدا  لە گەڵ کاربەدەستانی سیاسی هەرێمی کوردستان لە سەفەری بۆ هەولێر لە گەڵ بارزانی  سەرۆک وەزیرانی هەرێم  دیدار و وتووێژی کرد . لەو ددیارەدا  کە سەرلە بەیانی  ئەمڕۆ لە هەولێر بەڕێوە چوو  پەیوەندی نێوان  دەوڵەتی هەرێم و دەوڵەتی ناوەندی  ئێراق  و درێژەی وتووێژەکانی  نێوان لایەنەکان  لە پێناو  چارەسەری کێشەکان  سەرەکیترین تەوەری وتووێژەکان بوو .   حەلبووسی و بارزانی  جەختیان کرد لەسەر  پێویستی  هاوکاری و هاوئاهەنگی  نێوان هەموو  دامەزراوەکانی  دەوڵەتی بۆ بنیاتنانەوە  و ئاوادانکردنەوەی  ناوچە زیان دیتووەکان  لە شەڕی داعش . دۆخی  ئاوارە ئێراقیەکان لە کەمپەکانی جێگیر  لە هەرێمی کوردستانیش یەکێکی  دیکە  لە پرسەکانی وتوێژ  بوو  و لایەنەکان جەختیان کرد لەسەر  پوێستی   درێژەی هاوکاریەکان  و یارمەتیەکانی  دەوڵەتی ناوەندی  و کۆمەڵگای جیهانی  بە ئەوان  بە ئامانجی  بوار خۆش کردن بو گەڕانەەی ئاوارەکان بۆ ناوچەکانی خۆیان . بە پێی ئەو ڕاپۆڕتە  حەلبووسی  و بارزانی  هەروەها دوایین  ڕووداوەکانی  ناوچە  و پێشکەوتن  لە وتووێژەکانی  هەولێر بەغدای  لە پێناو چارەسەری کێشەکانی  نێوان دوو لیاەن  لێکدایەوە . سەرۆکی  پەرلەمانی  نوێنەرانی  ئێراق  ڕۆژی  دووشەمە  لە هەولێر  لە گەڵ مەسعود بارزانی  ڕێبەری  پارتی  دیموکراتی  کوردستانیش  دیدار و وتووێژی کرد .