کۆبوونەوەی بازەرگانی ژووری بازەرگانی و پیشە سازی هەرێمی کوردستان و کۆگەی برایەتی ئەردەن بە مەبەستی پەرەی هاوکاریە دوو لایەنەکان لە هەولێر بەڕێوە چوو .

بە گوێرەی ڕاپوڕتی کورد پرێس  کاناڵی  تەلەفیزوینی  کوردستانی 24   ڕاپۆڕتی دا  کە کۆبوونەوەی  ئابووری و بازەرگانی   لە  شاری  هەولێری ناوەندی هەرێمی کوردستان  بە  ئامادە بوونی  ژووری بازرەگانی و پیشە سازی هەرێم و کۆگەی برایەتی  ئەردەن  کە لە کاروباری ئابووری  و بازەرگانی  چالاکی  دەکەن  بەڕێوە چوو . بە پێی  هەواڵەکان ،  ئامانج  لەو کۆبوونەوەیە  پەرەی  پەیوەندی ئابووری  و بازرەگانی لە نێوان  ئەردەن  و هەرێمی کوردستان بووە  و کۆگەی بریاەیتی  ئەردەن بە نیازە  کە   بنکەیەک بۆ چالاکی لە کاروباری  بازەرگانی  و بەرهەمهێنان لە هەرێمی کوردستان  بکاتەوە . هەروەها لایەنی  ئەردەنی   وێڕای  ڕاگەیاندنی  ئامادەیی  بۆ هاوکاری  لە گەڵڵ بازەرگانانی هەرێم  خوازیاری دامەزراندنی  ئامادە کاری  بۆ پەرەی  چالاکی  و ئامادە بوونی  کومپانیاکان  و بازەرگانانی  ئەردەنی  لە هەرێمی  بوو . ئەوە  لە حاڵێکدایە  کە ماوەیەک لەمەوبەریش  مەسعوود بارزانی   ڕێبەری  پارتی دیموکراتی کوردستان  سەردانی  ئەردەنی کردووە  و لە لایەن  کاربەدەستانی باڵا  و شای  ئەو وڵاتەوە  پێشوازی  فەرمی  لێ کراوە  و   دەوترێ  کە ناوبراو  لە دیداریدا لە گەڵ   کاربەدەستانی ئەو وڵاتە دەستی کردووە بە وتووێژ سەبارەت بە  پەرەی  پەیوەندی  لە نێوان  ئەردەن  و هەرێم  و پرسی  هەناردەی نەوت  لە  ڕێگای  بەندەری  عەقبەی  ئەردەنیش یەکێکی  دیکە  لە  تەوەرەکانی  ئەو  سەفەرە  بووە . ئەو سەفەرە بە هۆِ ئەوەی کە  بارزانی  خاوەنی  هیچ   پۆستێکی  دەوڵەتی  لە ئێراق  و هەرێم نیە  و هەروەها بەکار نەهێنانی  ئاڵای  ئێراق  لە پاڵ ئاڵای  ئەردەن  و هەرێمی کوردستان  لە ڕێ و ڕەسمی  پێشوازی لە ناوبراو   ڕەخنەگەلێکی زۆر لە لایەن بڕێک لە  کاربەدەستانی  دەوەتی ناوەندی  ئێراق  و نوێنەرانی  مەجلسی ئەو وڵاتە ی   بەدوواوە بووە .