مەسعود بارزانی، سەرۆکی پارتی دیموکرتی کوردستان لەمیانی کۆبونەوەیەکدا لەگەڵ بەرپرسی دەستەی رێکخراوە جەماوەری و پیشەییەکانی حزبەکەی رایگەیاند، لە هەڵبژاردنەکانی پێشودا خەڵکی کوردستان "پاداشی هەڵوێستەکانی پارتیان دایەوە".

مەسعود بارزانی رایگەیاندوە، "لە هەڵبژاردنەکانی پێشودا خەڵکی کوردستان پاداشی هەڵوێستەکانی پارتیان دایەوە"، پشتیوانیی خۆشی بۆ پڕۆژە و بەرنامەکانی حکومەتی هەرێمی کوردستان لە بابەتی چاکسازی لە بوارە جیاجیاکان و هەروەها ڕێکخستنەوە و باشترکردنی دۆخی هێزی پێشمەرگەی کوردستان دەربڕی.ئەوەش خراوەتەڕو، لە بەشێکی تری ئەو کۆبونەوەیەدا بارزانی وێڕای ئاماژەدان بە گرنگی و بایەخی ڕێکخراوەکانی ئافرەتان و قوتابیان و لاوان، جەختی پێشەنگبونی ڕۆڵی ئافرەتان و قوتابیان و لاوان لە هەمو گۆڕانکاری و پێشڤەچونێک کردەوە.