گومەزی قابوس، بینایەکی مێژوویی لە سەدەی چوارومی کۆچییە کە لە شاری گوندبەدی کاووس لە ئوستانی گوڵستان لە باکووری ئێران هەڵکەوتووە. شێوازی بیناسازی ئەم بینایە شێوازی رازییە. ئەم بینایە کە بەرزترین بورجی تەواو خشتینەی جیهان دێتە ئەژمار لە سەر تەپۆڵکەیەک کە نزیک بە پازدە مەتر لە ئاستی زەویی بەرزترە هەڵکەوتووە.ئەم بینایە لە ساڵی 397ی کۆچی مانگی لە سەردەمیی پاشایەتی شەمسولمەعالی قابوس ئیبنی وشمگیر و لە شاری جرجان کە پایتەختی پاشاکانی ئەم ناوچەیە بوو، دروست کراوە.