وتەبێژی وەزارەتی دەرەوەی ئێران لە وەڵامی تویتی وەزیری دەرەوەی ئەمریکادا نووسیویەتی: " ئەمریکا بە مێژووی پڕ شەرمەزاریی مافی مرۆڤەوە چ لە ناوخۆ و چ لە دەرەوەی ئەو وڵاتە،چۆن دەوێرێ خۆی لە پێگەیەکی باڵای ئەخلاقیدا ببینێت و ئامۆژگاریی جیهان بکات؟".

  بەگوێرەی ڕاپۆرتی بەڕێوەبەرایەتی گشتی ڕاگەیاندن و وتەبێژی وەزارەتی دەرەوەی ئێران، "ناسر کەنعانی چافی" وتەبێژی وەزارەتی دەرەوەی ئێران، کاردانەوەی بەرامبەر بە تویتەکەی "ئەنتۆنی بلینکن"ی وەزیری دەرەوەی ئەمریکا نیشاندا دەوڵەت و نووسیویەتی: پێویستە بلینکن لەبیری بێت کە وەزیری دەرەوەی ئەو وڵاتەیە، پۆلیسەکەی تەنها لە ماوەی ٩ مانگدا تەقەیان لە ٧٣٠ کەس کردووە و کوشتوویانن کە زۆربەیان ڕەشپێست بوون.

وتەبێژی وەزارەتی دەرەوەی ئێران ڕایگەیاند، ئەو وڵاتانەی کە بە مێژووی دوور و درێژی شەڕ و توندوتیژی لە جیهاندا ناسراون، دەسەڵات و شەرعیەتیان نییە کە ئامۆژگاریی کەسانی دیکە بکەن سەبارەت بە مافەکانی مرۆڤ، ئاماژەی بەوەش کرد کە حکومەتی ئەمریکا بەردەوامە لە شکستەکانی لە سیاسەتی زۆرترین فشار و تیرۆر و بە تیرۆریسمی ئابووری گەورەترین پێشێلکاری مافەکانی نەتەوەی ئێرانە .