وەزارەتی بەرگری عێراق باسی لە وەرگرتنی یەکەم بارو بنەی تانکەکانی " تی ٩٠"ـی ڕوسی کرد .

 بە گوێرەی ڕاپۆرتی ئەلعالەم، وەزارەتی بەرگری عێراق  ڕۆژی هەینی ، ڕایگەیاند ، بارو بنەی تانکەکانی " تی ٩٠"ـی ڕوسی بەشێک لە گرێبەستی  کرینی کەرەستە و چەک وچۆڵی سەربازییە کە ساڵی ڕابردوو (٢٠١٧) لە نێوان عێراق و روسیا دا ئیمزا کراوە .

 وەزارەتی بەرگری عێراق بەڕاشکاوی وتی: یەکەمین بارو بنەی تانکەکانی ڕوسی  رۆژی پێنج شەممە گەییشتە بەندەری " ئۆموقەسر" لە باشووری عێراق و لە رێگای شاری " بەسرە" ڕاگویزراوە بۆ بەغدا . دەلێن باقی تانکەکان بەرە بەرە ڕادەستی عێراق دەکرێن.

 عێراق و ڕوسیا ساڵی رابردوو (٢٠١٧) گرێبەستێکیان بۆ ڕادەستی کردنی  ٧٣ تانکی" تی ٩٠" ئیمزا کردووە .