سەرۆک وەزیرانی عێراق پێی داگرت: دەوڵەتی ئەنو پەڕی ھەوڵی خۆی بۆ خەباتی دژی گەندەڵی، ھێزمەند کردنی دامەزراوە حکومییەکان و بەرزکردنەوەی ئاستی کلتووری ژیانی شازرومەندان بەکار دێنێ.

بە پێی ڕاپۆرتی ڕۆژی ھەینیی ھەواڵدەریی سپۆتنیک،«مستەفا کازمی» سەرۆک وەزیرانی عێراق وتی: ھەل و مەرجی ڕابردوو جیا لە پێکھێنانی ژیانێکی دژوارو پڕ لە کوێرەوەریی بۆ تەواوی خەڵکی وڵات، کەشێکی لەباریشی بۆ پەرەسەندنی ستەم و گەندەڵی بەدی ھێنا بوو. «کازمی» وێڕای پێداگرتن لە سەر پێویستیی بەرنگار بوونەوەی ھەل و مەرجی ئێستا، داوای ھاوکاریی تەواوی دامەزراوە حکومییەکانیشی کرد لە ئاراستەی خۆش کردنی بەستێن بۆ ژیانێکی باشتر بۆ تەواوی چینەکانی خەڵکی ئەم وڵاتە. «مستەفا کازمی» ٣١ی ئوتی ڕابردوو بە پێکھێنانی لێژنەیەکی باڵای لێکۆڵینەوەی سەربە نووسینگەی سەرۆکایەتیی ئەنجومەنی وەزیران و فەرماندەی گشتیی ھێزە چەکدارەکانی عێراق، یەکەم ھەنگاوی لە ئاراستەی خەباتی دزی گەندەڵی لەم وڵاتەدا ھەڵگرت.