بەردەوامکرانی بەرنامەکانی حکومەتی عێراق لەپێناو بەهێزکردنی سەروەریی و باڵادەستیی ئەو وڵاتە
سەرۆک وەزیرانی عێراق و سەرۆکی ڕێکخراوی حەشدی شەعبی، دواگۆڕانکارییە ناوخۆیی و دەرەوەییەکان و ڕێگاکانی بەهێزکرانی سەقام لەو وڵاتەیان تاووتوێ کرد.
عەلی فالح زەیدی لە دیدار لەگەڵ فالح فەیاز، سەرۆکی حەشدی شەعبی وێڕای پێداگریی لەسەر درێژەی بەرنامەکانی حکومەت بۆ بەهێزکردنی سەروەریی و دەسەڵاتی وڵات، ڕایگەیاند کە بەرەنگاربوونەوەی گەندەڵی و رێگریکردن لە دەستدرێژیکردنە سەر سامانی نیشتمانی لە هەموو شوێنێکی خاکی عێراقدا لێبراوانە پێوشوێن دەگیردرێ.
لەو چاوپێکەوتنەدا، گرینگیی کارکردن بۆ بەهێزکردنی سەقامی ناوخۆیی بەئامانجی بەرەوپێش بردنی بەرنامەکانی گەشەپێدان، ئابووری و وەبەرهێنانی حکومەت، خرایەبەرباس و لێکدانەوە. دوولایەن هەروەها لەبارەی بەرنامەکانی بەرزکردنەوەی توانای هێزە چەکدارەکان بە سەرجەم بەش و پێکهاتەکانییەوە، لەنێویاندا پێکهاتەکانی حەشدی شەعبی، گفتوگۆیان کرد.