بەگوێرەی ئاژانسی هەواڵی ئەلفورات، مستەفا کازمی، سەرۆکوەزیرانی عێراق، لە لێدوانێک دا بەبۆنەی پێنجەمین ساڵیادی کۆچی دوایی جەلال تاڵەبانی، سەرۆکی کۆچکردووی ئەم وڵاتە، رایگەیاند: تاڵەبانی کەسایەتییەکی گەورەی نەتەوەیی بوو و ئێستاش... زیاتر لە جاران ئێمە پێویستمان بە سەبر و ژیرمەندیە .

سەرۆکوەزیرانی عێراق لە هەولێر، گوتیشی : ئێمە لە دۆخێکدا دەژین کە بەها و بنەما ئەخلاقییەکان لە جیهانی سیاسەتدا نەماون و زمانی تۆمەتبارکردن و خیانەت بەسەر زمانی ئاشتی و گفتوگۆدا زاڵ بووە .

مستەفا کازمی داوای دەستپێکردنەوەی دیالۆگی نیشتمانی لە نێوان عێراقییەکانس کرد و وتی: بەرژەوەندی هاوڵاتیانی عێراقی ئامانجێکە کە دەبێت پێش هەموو شتێک بێت، هەروەها ڕێککەوتنێکی نیشتمانی لەسەر بنەمای خاڵە هاوبەشەکانی عێراقییەکان و بەها نیشتمانییەکان لە وڵاتەکەمان سەخت و مەحاڵ نییە.

 سەرۆک وەزیرانی عێراق ڕایگەیاند، لە ماوەی دوو ساڵی ڕابردوودا ئاستێکی بەرزی پەیوەندی برایەتی ئەرێنی لە نێوان حکومەتی عێراق لە بەغدا و حکومەتی ھەرێمی  کوردستان هەبووە.