گەورەترین فەرشی یەکپارچەی 600مەتریی جیهان بە ئامادەبوونی سەرۆک کۆماری ئیسلامیی ئیڕان لە پیشانگای نێودەوڵەتیی فەرشی دەسچنی تەورێز، پەردەی لەسەر لادرا.

ئەم فەرشە لە 60 ڕیزدا چنراوە و 70 جۆرە ڕەنگ و 3 تەن کێشی هەیە، ئەم فەرشە لە ماوەی 6 ساڵدا چنراوە.

قاڵیەکانی دەسکاری ئازەربایجان ، زیاتر گەڵاڵەی ئێسلیمی تورەنج و ئێسلیمی لەچکی و تێکەڵاوێک لە گەڵاڵە نەریتیەکانن و قاڵی بە گەڵاڵەی فانتزی و بە رەنگی کەمیش تایبەت بە هەناردە کردن بۆ ئەورووپان.

ئازەربایجانی ڕۆژهەڵات هەر لە کۆنەوە لانکی سەرەکی چنینی قاڵیە لە جیهاندا و فەرشی تەورێزیش ناوبانگێکی جیهانی هەیە.

پیشانگای نێودەوڵەتی فەرشی دەسچنی تەورێز لە شوێنێکدا بە بەرینایی 10هەزار مەتری چوارگۆشە و پێک هاتوو لە 46 غورفە دانراوە

لەم پیشانگایەدا بەرهەمهێنەرانی فەرش لە پارێزگای ئیسفەهان، گێڵان، قوم، تاران، ئازەربایجانی ڕۆژهەڵاتی و ڕۆژئاوایی و هەندێك وڵاتی بیانی، ئاسەوار و بەرهەمەکانی خۆیانیان خستووەتە پێش چاوی هۆگرانەوە.

هەروەها لەم پیشانگایەدا 2 فەرشی 600 و 400 مەتری کە بە دەستی هونەرمەندانی تەورێزیەوە چنراون، بۆ یەکەم جارە کە خراونەتە پێش چاوی هەمووانەووە.