ئەمڕۆشەمە 14ی ئۆكتۆبەری 2023 چەند وڵاتێك شاهێدی بینینی خۆرگیرانی بازنەیی دەبن و پێشبینیكارێكی كەشناسی و فەلەكیش روونی كردەوە كە خۆرگیرانەكە لە عێراق نابیندرێت.

سادق عەتیە پێشبینیكاری پێشكەوتووی كەشناسی و فەلەكی بڵاوی كردەوە، شەمە خۆرگیرانی بازنەیی لە سەعات 6:05ی ئێوارە تا 11:55ی بەكاتی عێراق لە چەند وڵاتێكدا روو دەدات.

عەتیە ئاماژەی بەوەیش كردووە، بە قۆناغی جیا و لەكاتی جیاوازدا لە هەر یەك لە كیشوەرەكانی ئەمەریكای باشوور و باكور خۆرگیرانەكە دەبندرێت، هەروەها بەشێكی زەریای هێمن و ئەتڵەسیش خۆرگیرانەكەی تێدا روو دەدات.

سادق عەتیە لە كۆتایی پۆستەكەیدا روونی كردووەتەوە، عێراق و وڵاتانی ناوچەكە شایەدی بینینی خۆرگیرانەكە نابن.