"هوشەنگ بازوەند" پارێزگاری کرماشان رۆژی پێنج شەممە لە شوێن قایمقامەتی قەسری شیرین چاوی کەوت بە "سەلاح کوێخا"ی سەرۆکی ئیدارەی گەرمیان لە هەرێمی کوردستان و لەبارەی ئاسانکردنی ڕەوتی هەناردەو چارەسەریی پرس و گرفتەکانی ئەو سنورە وتووێژی کرد.

بەپێی ڕاپۆری هەواڵدەریی ئیرنا، پارێزگاری کرماشان لەو چاوپێکەوتنەدا وتی: خەڵکی پارێزگای کرماشان لەگەڵ خەڵکی هەرێمی کوردستانم پەیوەندیی شیاو و دۆستانەیان هەیەو سنوری فەرمیی پەروێزخان پەیوەندیی برادەرانەی نێوان دوولایەنی پتەوتر کردووە.

هوشەنگ بازوەند وتی: هەوڵ دەدەین بۆ ئاسانکردنی ڕەوتی هەناردەکان و بەهێزکردنی پەیوەندییەکان و پەرەپێدانی ئاڵووێری سەرسنوری، گرفتە بچوکەکان چارەسەر بکەین.

سەرۆکی ئیدارەی گەرمیانی هەرێمی کوردستانی عێراقیش وتی: سنوری فەرمیی پەروێزخان بۆ ئێمە زۆر گرینگەو ئەو سنورە لەنێو هەموو سنورەکانی عێراق لەگەڵ ئێراندا زیاترین گرینگی هەیەو زیاترین کاڵا لەو سنورەوە ڕەوانەی هەرێمی کوردستان، باشوری عێراق و موسڵ دەکرێ.