وەزارەتی دەرەوەی ڕووسیا ڕۆژی چوارشەممە باسی بڵاو بوونەوەی کتێبێکی کرد لە لایەن دامەزراوەی لێکۆڵینەوەی دیموکراسی لە سووریا کە تیای دا باسی بەڵگەگەلێکی تازە لە بارەی تاوانە جەنگییەکانی ئەمریکا لە سووریا کراوە.

بە پێی ڕاپۆرتی ئیرنا، بە گوێرەی بەڵگەکانی ئەم کتێبە کە دەرھاویشتەی زیاتر لە سەد وتووێژە، قوربانییەکان و شایەتحاڵانی دڕندەکارییەکانی ئەمریکا لە بارەی چۆنیەتیی کوژرانی کوڕو کچان و باوکیان لە ئەنجامی ھێرشی موشەک و تۆپخانەی ھاوپەیمانیی بەناو نێونەتەوەیی دژی داعش بە سەرکردایەتیی ئەمریکاییەکانی و ھەروەھا کردەوەکانی ڕێکخراوەکان قسە دەکەن.

ئەو ڕاستیانەی خراونەتە ڕوو بە ئاشکرا ئەوە دەسەلمێنن کە ھاوپەیمانیی ژێر فەرمانی ئەمریکا بە شێوەیەکی بەردەوام نەخۆشخانە، قوتابخانە، دوکان و بازاڕ، مزگەوت و ماڵەکانی خەڵکی سڤیلی سووریایان کردووەتە ئامانج و  کاولیان کردوون، کە دیارە ئەمەش بە گوێرەی یاساوڕێسای نێونەتەوەیی مرۆڤ دۆستانە وەک تاوانی جەنگی دێنە ئەژمار.