لە چەند پارێزگای سوریا بۆ شەرمەزارکردنی دەستدرێژییەکانی ڕژێمی زایۆنی لە باشووری ئەم وڵاتە خۆپیشاندان کرا.

خۆپیشاندان لە سوریا لەپێناو شەرمەزارکردنی هێرشە بەردەوامەکانی ڕژێمی زایۆنی بۆ سەر باشووری ئەم وڵاتە و مەحکووم کردنی کوژرانی "مەعاز بەعیر" تازەلاوی کەمەندام بەڕێوەچوو، کە بەهۆی کەوتنەبەردەستڕێژی گوللەی هێزەکانی ڕژێمی زایۆنی لە دەڤەری ڕۆژاوای دەرعا گیانی لەدەستدا.  خەڵکی سوریا لە دیمەشقی پێتەخت و دەڤەری ئەم شارە و هەروەها لە دەرعا، قونەیتەرە، حومس، حەسەکە، ڕەقە و ئیدلیب هاتنە سەر شەقامەکان.  خۆپیشاندەران ئاڵای سوریا و هەروەها لافیتەگەلێکیان بەدەستەوە بووبە درووشمی شەرمەزارکردنی دەستدرێژییەکانی ڕژێمی زایۆنی و خوازیاری کۆتاییهاتنی ئەم هێرشانە و ئازادکرانی گیراوانی سووری لە بەندیخانەکانی ئەم ڕژێمە بوون. ئەم خۆپیشاندانە هاوکات بوو لەگەڵ بەردەوامبوونی پەلاماری هێزەکانی ڕژێمی زایۆنی لە پارێزگای قونەیترەدا.