وەزیری دەرەوەی ئۆردۆن: بەم نزیکانە پێداچوونەوە بە گەڕانەوەی سوریا بۆ کۆمکاری عەرەبی دەکرێت
وەزیری دەرەوەی ئۆردۆن بە جەختکردنەوە لەوەی کە چارەسەرکردنی قەیرانی سوریا بە بێ پشتیوانیی نێودەوڵەتی ئەستەمە، وتی: وڵاتانی عەرەبی بەم زووانە بیر لە گەڕانەوەی دیمەشق بۆ ناو کۆمکاری عەرەبی دەکەنەوە.
یەکشەممەی داهاتوو کۆمکاری عەرەبی کۆبوونەوەیەکی نائاسایی لەسەر ئاستی وەزیرانی دەرەوەی وڵاتانی ئەندامی ئەم یەکێتییە سەبارەت بە سوریا و سودان بەڕێوە دەبات.
بە پێی ڕاپۆرتی ڕۆژی ھەینیی سپۆتنیک؛ «ئەیمەن سەفەدی» وەزیری دەرەوەی ئۆردۆن ڕایگەیاند: هەموو وڵاتانی عەرەبی دەیانەوێت قەیرانی سوریا چارەسەر بکەن و پێیان وایە سەرکەوتنی پرۆسەی سیاسی پێویستی بە لێکنزیکبوونەوەی کۆمەڵگەی نێودەوڵەتی و حکومەتی سوریایە بۆ چارەسەرکردنی قەیرانی ئەم وڵاتە.
ئەلسەفەدی ئاماژەی بەوەشکرد، بەهۆی ئەو سزایانەی ڕۆژئاوا کە بەسەر دیمەشقدا سەپێنراون، پێویستە کۆمەڵگەی نێودەوڵەتی لە پرۆسەی چارەسەرکردنی قەیرانەکانی ئەم وڵاتەدا کۆببێتەوە.
