ژێدەرە هەواڵییەکان ڕایانگەیاندووە کە هێزە سەربازییەکانی ڕژێمی زایۆنی لە دەڤەری قونەیترە بەردەوام لە هاتوچۆدان و تەقەیەکی بەربڵاویان لە ڕۆژئاوای دەرعا ئەنجام داوە.

هێزە سەربازییەکانی ڕژێمی زایۆنی تەقەیان کرد لە ناوچەکانی دەوروبەری گوندی جەمەلە هەڵکەوتوو لە ڕۆژئاوای دەرعا. ناوەندی چاودێری مافی مرۆڤی سووری ڕایگەیاندووە کە ئەم تەقەیەی زایۆنییەکان دەسبەجێ پاش سەقامگیربوونی هێزەکانیان لە ناوچەکە ئەنجام دراوە. هەروەها لە دەڤەری قونەیترە گەشتێکی سەر بە هێزی داگیرکاری زایۆنی لە جادەی نێوان مەزراکانی ئەمەل و تەرەنجە پێشڕەویی کردووە و بنکەیەکی وەستاندن و پشکنینی سەربازیی داناوە. هێزەکانی ڕژێمی داگیرکاری زایۆنی لەم بنکەیەدا خەریکی پشکنینی ڕێبواران و هەموو ئەو ئۆتۆمبیلانەن کە لەوێوە تێدەپەڕن.