بەشار ئەسەد: خۆڕاگریی بەرامبەر بە داگیرکاری بژاردەیەکی ستراتژیک دەمێنێتەوە
بەرپرسی وەزارەتی دەرەوەی ئێران نیوەڕۆی ئەمڕۆ لەگەڵ بەشار ئەسەدیش دیدار و وتوێژی کرد.
لایەنەکان سەبارەت بە پێوەندیی دوولایەنەی نێوان سوریا و ئێران و ڕووداو و گۆرانکارییەکان لە فەلەستینی داگیرکراو و هەروەها دۆسییە هاوبەشە ناوچەیی و نێودەوڵەتییەکان بیر و ڕایان گۆڕییەوە. بەشار ئەسەد لەم دیدارەدا جەختی کرد: خۆڕاگریی بەرامبەر بە داگیرکاری بە هەر شکڵ و شێوازێک بێ پرەنسیپێکی سەرەکی و بنەڕەتی و بژاردەیەکی ستراتژیک دەمێنێتەوە. بەشار ئەسەد هەروەها پێی داگرت: ڕژێمی زایۆنی هەرچی زیاتر نزیک دەبێتەوە لە هەرەسهێنانی بەرامبەر بە بەرخۆدانی خۆڕاگری، زیاتر دژ بە گەلی فەلەستین دڵڕەقتر و خوێنڕێژتر دەبێ.
باقریش لەم دیدارەدا جەختی کرد لەسەر ئەوەی کە پێوەندییەکانی ئێران و سوریا قووڵ و ستراتژیک دەمێننەوە؛ لەبەر ئەوەی کە لە سەر بنەما و بنچینەیەکی بتەو و بەرژەوەندیی هاوبەش و ڕاستبێژانە دانراوە. ناوبراو ئاماژەیشی دایە هەوڵی بەردەوامی ئێران لە پێناو پەرەپێدانی پێوەندیی دوولایەنە لەگەڵ سوریا و سەرمایەنانەوە لەم وڵاتەدا لە پێناو خزمەتکردنی دوو وڵات لە لایەکەوە و وڵاتان و خەڵکی ناوچەکەیش لە لایەکی دیکەوە.
