کاربەدەستانی ئێرانی دوابەدوای ئاگرکەوتنەوە بەربڵاوەکانی کالیفۆرنیا لەگەڵ خەڵکی ئەم ناوچەیە هاوخەمیان دەربڕی.

جێگری یەکەمی سەرۆک کۆمار و  وتەبێژەی کابینەی وەزیرانی ئێرانیش لەم بارەوە پەیامی جیاجیای هاوخەمیان دەرکردووە. سەرۆکی ناوەندی مانگی سووری ئێرانیش بە ناردنی پەیامێک بۆ سەرۆکی خاچی سووری ئەمریکا بە هاوخەمی دەربڕین لەگەڵ بنەماڵەی گیانلەدەستداوان و زەبرلێکەوتووانی ئاگرە بەربڵاوەکەی لۆسانجلێس ئامادەیی ئێرانی دەربڕی بۆ بەڕێکردنی یارمەتیی مرۆڤدۆستانە بۆ ئەم وڵاتە.