وه زاره تی ده ره وه ی تورکیا خوازیاری ڕاگرتنی هێرشه کان بوو بۆ سه ر که رتی غه ززه و پێشگیری کردن له شه ڕی به رده وام.

ڕۆژی هەینی (٥ی ئاگۆست) ڕژێمی زایۆنی هێرشێکی سەرتاسەری بۆ سەر کەرتی غەززە دەستپێکرد و بەپێی دوایین ئامارەکان ئەم هێرشانە تا ئێستا ١٠ شەهیدی لێکەوتووەتەوە کە منداڵێکی تەمەن پێنج ساڵی فەلەستینی تێدایە و ٦٥ کەسیش بریندار بوون.

بە گوێرەی ڕاپۆرتی ئیرنا، وەزارەتی دەرەوەی تورکیا لە بەیاننامەیەک دا کاردانەوەی هەبوو بەرامبەر بە هێرشە ئاسمانییەکانی ڕژێمی ئیسرائیل بۆ سەر غەززە و وێڕای شەرمەزارکردنی ئەو هێرشانە ڕایگەیاندووە: لە دەستدانی خەڵکی سڤیل، لەوانەش کوژرانی منداڵان، لە هێرشەکانی ئیسرائیل دا هەرگیز قبوڵ ناکرێت .