سەرۆک کۆماری ڕووسیا ، خوازیاری هەوڵی کۆمەڵگای جیهانی بۆ لەناو چوونی بە تەواوی چەکی کیمیایی لە جیهان بوو .

 بە گوێرەی  ڕاپۆڕتی هەواڵدەریی تاس "  ولادیمیر پووتین " سەرۆک کۆماری  ڕووسیا  بە ناردنی نامەیەک  بە بۆنەی   کرانەوەی  بیست و دووهەمین  دانیشتنی کونفڕانسی  وڵاتانی   ئەندامی    ڕێکخراوی  قەدەغەی  چەکی  کیمیایی  لە شاری  لاهەی هۆڵەند  خوازیاری  لەناو چوونی  بە تەواوی  چەکی  کیمیایی   لە جیهان بوو .   سەرۆک کۆماری   ڕووسیا  لەو نامەیدا   جەختی کرد   لە هەموو  وڵاتانێک   کە خاوەنی  چەکی  کیمیایین  داوا  دەکات  تا هەموو   هەوڵی خۆیان  بەکار بێنن   بۆ  لە ناو بردنی  خێرای چەکی  کیمیایی  و ئەو  وڵاتانەش  وا   بەدەر  لە   چوارچێوی  یاسایی  و نێونەتەوەیی  کونوانسیونی  قەدەغەی  چەکی  ناڤۆکین   خێرا  بچنە  ڕیزی ئەو کونوانسیونە .   ڕووسیا 27  سێپتەمبری  ساڵی 2017ی  زایینی    پاشماوەی  چەکی  کیمیایی  خۆی  لەناو برد   کردەوەیک   کە ولادیمیر  پووتین  ئەو کارەی بە هەنگاوێکی  گەورە  لە پێناو    بە دی هێنانی    جیهانێکی  بەرپرس و سەقامگرتوو  نرخاند .   بیست و دووهەمین  دانیشتنی  کونفڕانسی  وڵاتانی ئەندامی  قەدەغەی  چەکی  کیمیایی  لە 27  نوامبر  تا   یەکەمی   دیسامبری 2017ی زایینی  لە شاری لاهە  بەڕێوە دەچێت .