وەزیرانی دەرەوەی ڕوسیا و قەتەر گۆڕانکارییەکانی هاوپێوەند بە ئەنجومەنی هاوکاری کەنداوی فارس و ناوچەیان لێک دایەوە.

بەپێی ڕاپۆرتی هەواڵدەریی ئاناتۆلی، سێرگێئی  لاورۆڤ،  وەزیری دەرەوەی ڕوسیا و محەممەد بن عەبدوڕەحمان ئالی سانی، وەزیری دەرەوەی قەتەر لەسێیەمین کۆبوونەوەی نێونەتەوەیی  وتووێژەکانی مەدیتەرانە  لە ڕومی پێتەختی ئیتالیا  سەبارەت بە پێوەندی دوو لایەنە و ڕێگەکانی  پەرەپێدانی  لە بواری ئابووری، فەرهەنگی و دوایین گۆڕانکارییەکانی هاوپێوەند بە وڵاتانی ئەندامی  ئەنجومەنی هاوکاری کەنداوی فارس  و ناوچەیان لێک دایەوە.

کۆبوونەوەی سێ ڕۆژەی  نوێنەرانی وڵاتانی  دراوسێی دەریای مەدیتەرانە لە سییەمی نوامبەر  هەتا دووهەمی دیسەمبەر لەشاری رومی پێتەختی  ئیتالیا لەسەر پرسی  سەقام و ئاسیاش، کۆچبەری، سنوورەکان و بەرەنگار بوونەوەی تیرۆریزم، بەڕێوە دەچێت.