سەناتۆری ویلایەتی ڤێرمۆنت وێڕای رەخنەگرتن لە هەوڵی دۆناڵد ترەمپ سەرۆکی ئەمریکا بۆ گۆڕینی ئەنجامی هەڵبژاردنەکان ، پارتی کۆماریخوازی بە فیرقەیەک ناوبرد .

بە پێی راپۆرتی ئیرنا ، بێرنی سەندێرز شەوی رابردوو لە بروسکەیەکی توویتەری دا نووسی : زۆر مایەی مخابنە کە سەرۆک کۆماری جێگیر بۆ گۆڕینی ئەنجامی هەڵبژاردنەکان هەوڵ ئەدات . خراپتر لەوەش ئەوەیە کە پارتی کۆماریخواز چەند حاڵەتی لێ دەرچێ لە بارەی ئەم شاڵاورە زاڵمانە بۆسەر دیموکراسی بێدەنگە .

 ئەم سەناتۆرەی ویلایەتی ڤێرمۆنت گوتیشی : پارتی کۆماری خواز ئیتر پارتێکی سیاسی نیە بەڵکوو یەک فیرقەیە .

 بەپێی ئاماری کەناڵی فاکس نیوز ، بایدن 306 و ترەمپ 232 دەنگی ئەلەکترالیان بەدەستهێناوە . بایدن  توانیویەتی ڕادەی پێوستی  270 دەنگ وەدست بێنێ و بە سەرۆکایەتی بگات .

 بەمحاڵەوە ترەمپ ئەنجامی هەڵبژاردنەکانی قەبوڵ نەکردووە و خۆی بە براوەی هەڵبژاردن دەزانێ .