وەزارەتی بازرگانیی چین بایکۆتکرانی دوو کۆمپانیای چینی لەلایەن ئەمریکاوەی شەرمەزار کرد و ئەوەی بە هەنگاوێکی دژی مافە نێودەوڵەتییەکان و بەها بنەڕەتییەکانی پەیوەندییە نێودەوڵەتییەکان ڕاگەیاند.

ئەمریکا ڕۆژی پێنجشەممە دوو کۆمپانیای چینیی بایکۆت کرد بە تۆمەتی هاریکاری لەگەڵ سەکتەری سەربازیی کوبا و دابینکردنی کەرەستە و پارچەکانی پێویستی ئەم سکتەرە. وەزارەتی بازرگانی چین ڕایگەیاندووە؛ واشنتۆن لەم دواییەدا گوشار و هەنگاوی سنووردارکەری دژ بە چین تەشەنە پێداوە و بە داسەپاندنی بەرتەسکی پڕ هەڵاواردن قازانج و بەرژەوەندییە یاساییەکانی کۆمپانیا چینییەکانی خستووەتە مەترسییەوە. وەزارەتی بازرگانیی چین داوای لە واشنتۆن کردووە هەرچی خێراتر واز لەو کردەوانە بێنێت و پێیدا بچێتەوە، هەروەها جەختیشی کرد: چین مافی خۆیەتی بۆ پاراستنی قازانج و بەرژەوەندییە یاساییەکانی کۆمپانیاکانی هەنگاوگەلێکی پێویست بخاتە پلان و بەرنامەی سەرەکی خۆیەوە.