سەرلەبەیانی ئەمڕۆ یەکشەممە 30ی کانوونی دووەمی 2022، ئاژانسی ڕۆیتەرز لە هەواڵێکدا ڕایگەیاند، کۆریای باکوور بۆ جاری حەوتەم لەم مانگەدا تاقیکردنەوەی دوو موشەکی دیکەی ئەنجامدا.

‌

بۆ جاری یەکەمە لە پاش ساڵی 2017ـەوە، کۆریای باکوور لە کوررین ماوەدا بگات بە تاقیکردنەوەی 9 موشەکی جۆراوجۆر، بەشێکیان موشەکی بالیستیی و دەنگبڕ بوون؛ هەروەها جۆری IRBM و KN-17 لە تاقیکردنەوەکاندا بەکار براون. 

ژاپۆن و کۆریای باشوور، دڵنیاییان داوە کە ئەمڕۆ بۆ جارێکی دیکە کۆریای باکوور موشەکی تاقیکردووەتەوە و بە نائاسایی ناویان بردووە؛ چونکە موشەکەکان هەڵدراون بۆ ئاسمان و دواتریش ئاڕاستەی دەریای ژاپۆن کراون.